內訌成為咗今屆
南非世盃其中一個熱話,除咗打得唔好嘅
法國同埋
英格蘭有,連打得好嘅
德國都有。波歷克一心飛去南非幫隊友打氣,點知據聞因權力鬥爭,搞到喺更衣室同隊友炒大鑊,一怒之下拂袖而去。
其實到咗9月就滿34歲嘅波歷克都算慘,車仔唔同佢續約搞到要返
德甲踢中型班
利華古遜,賽前又因俾人踢傷足踝而玩唔到南非世盃,結果隊長臂章俾拿姆搶咗,中場大佬個位俾舒韋恩史迪加頂咗,連件招牌13號波衫都俾後起之秀湯馬士梅拿霸埋。最慘就係,德國冇咗佢,唔退反進,演出備受好評,殺埋入最後4強;仲俾名宿馬圖斯同漢尼斯出嚟抽水,叫佢自己退出國家隊,咪阻住個地球轉。以前佢係幫德國立下好多汗馬功勞,不過長江後浪推前浪,如果佢選擇急流勇退,對佢抑或國家嚟講或者都係好事。
德國今晚同
烏拉圭爭季軍,佢哋兩隊喺70年嘅季軍戰碰過,當時德國佬贏1:0。我信德國可以再贏烏拉圭攞番個尾彩,仲要唔止贏1球,捧[-1]「客勝」。
今日貼士
星期六1德國勝[-1]
信心指數:★★★★
註:5★最高