英格蘭嘅問題球，相信連日來都會成為談論話題，至於世盃無論開波前抑或開波後，注定係後生一代成為球場上焦點。

　　球員嘅黃金年期越推越前，世盃未到前，談論誰會成為巨星，多數人都二話不說是美斯、基斯坦奴朗拿度（C朗）兩位「80後」。嚟到接近8強階段，兩人未打出預期水準，但暫時表現較突出、或是引起外界關注的唔少都係同C朗、美斯年紀相近嘅後生一輩，唔過25歲；包括兩腳射垮南韓嘅蘇亞雷斯、無迴轉罰球嘅本田圭佑、射手榜領先嘅希古恩、德國一對快馬奧斯爾同湯馬士梅拿、甚至墨西哥嘅查維亞靴南迪斯也令人感到未來在曼聯充滿前途；喺足球世界上，後浪冚前浪嘅定律嘅出現將會更快更密。

　　今日雙「牙」大戰，C朗對住又有巴塞、又有皇馬嘅狂牛眾將，對慣對熟，但以1敵11難發圍，都係捧西班牙W。文：戰鬥員A

　　今日貼士
　　星期二10西班牙勝
　　信心指數：★★★★
　　註：5★最高