自從美斯同巴塞隆拿崛起，矮人攻擊陣營喺世界足球壇搶盡風頭，就算來季加入的韋拿，同樣身材偏矮、射手型。不過，西班牙贏葡萄牙一役，用上1米94嘅中鋒洛蘭迪，高大中鋒罕有地「復刻」。

　　以往只會喺英格蘭國家隊搵到呢類「大塊頭」，?家就連英軍都唔用，睇吓有2米01嘅高治今屆世盃下場就知，就算希斯基最初都有出場機會，最後亦效果唔好，結果將正選位讓畀矮仔迪科爾。所以，估唔到西班牙教頭迪保斯基喺後備仍有眾多矮仔攻擊球員情況下，會派洛蘭迪上場，而且即刻見效，雖則冇入球，但極具威脅性。

　　呢種轟炸機踢法，比起德國嘅高路斯更徹底。用「大塊頭」戰術唔代表會攞到世盃冠軍，但總好過靠一、兩道板斧，冇得變。

　　烏拉圭嚟到呢個階段，證明有前有後，對住冇咩大將撐場嘅加納，可贏。文：戰鬥員A

　　今日貼士
　　星期五11烏拉圭勝
　　信心指數：★★★★
　　註：5★最高