自世盃開波以嚟，Vuvuzela一直都好多人講，係南非世盃特色，但啲聲又真係幾煩。我以為最多都係睇直播嘅時候先聽到，點知喺香港地都有人吹起呢支魔鬼喇叭，投入世盃熱潮，亦感受到威力所在。

　　喺香港買到Vuvuzela嘅地方應該唔多，最容易入手嘅都係從某炸雞快餐店食嘢加錢換番嚟。有晚收工返屋企，準備睇埋凌晨尾場英格蘭對阿爾及利亞之際，居然突然由對面街傳嚟Vuvuzela嘅巨響，由於夜闌人靜，所以嗰種低沉聲特別響，住十幾樓高都一樣聽得清清楚楚，瞓着咗肯定嚇醒。一支Vuvuzela嘅威力已經咁強，又難怪世盃球員喺成萬支「追魂」下大喊煩到爆，點集中精神比賽？

　　阿根廷嘅美斯兩場分組賽後都冇波入，但就益晒隊友希古恩，今日對希臘，矮仔陣應該有所為，博好分頭揀阿根廷半場勝。文：戰鬥員A

　　今日貼士
　　星期二7阿根廷[半勝]
　　信心指數：★★★★
　　註：5★最高