曾特首拗輸懂自嘲是好事，起碼好過唔知醜、完場前對住鏡頭一副不認錯配奸笑的杜明尼治，證明自己賽前睇死法國貼墨西哥冷W沒錯。

　　貼波感情用事一定賠錢收場，去到世界盃定要拋開個人感情逐輪賽事部署。今天愛「橙」出場但冇肉食；個人重心必在加納，捧W再加3.8倍[-1]。

　　埋身肉搏，用口好用腳好，在電視看到已知高下立見；次輪賽事真的好睇得多，連希臘豁出去狂攻踢少個的尼日利亞，開到大冷入球「大」，可見風勢轉得快。但賭世界盃想贏到錢，先放低自己主觀感情，否則大注賭西班牙及法國的擁躉，已輸到頭耷耷。

　　上輪大力推介愛隊荷蘭[-1]，今天他們對日本賠率更熱，我認為次場加納對澳洲更值博，非洲中加納與科特迪瓦實力同級，對手少停賽的卡希爾，加上一條老人防線，無得打，再次被大炒不出奇。

　　今日貼士
　　星期六6加納勝
　　信心指數：★★★★★

　　註：5★最高