原來網上世界，睇世盃想知道比賽嘅最終戰果都要小心啲，如果你係北韓境內嘅人民，一定會好開心，因為分組首場戰果會係國家隊贏巴西1:0。

　　日前從網上睇到有關北韓國家電視台播放韓、巴之戰嘅片段，剪片嗰位仁兄簡直一流，除咗將北韓入波片段放頭，接住剪入現場國民球迷歡呼慶祝，製造假象國家隊領先之餘，巴西兩個入波就到入網前一刻cut咗，然後播出巴西球員失望鏡頭，等觀眾以為錯失入球機會；最絕係最尾話北韓全場贏1:0，如果政府真係用呢種手法就贏晒民心，但小心原來呢個世界仲有就算係親眼見到，都可能係假嘢嘅情況，不過我相信惡搞嘅球迷都係想開玩笑啫。

　　日本首戰就真係因為愛隊贏喀麥隆  1:0而興奮，但今場對荷蘭，形勢同南韓遇勁旅阿根廷現形差唔多，必捧荷蘭[-1]。

　　今日貼士
　　星期六5荷蘭勝[-1]
　　信心指數：★★★★★

　　註：5★最高