雖然坐喺我隔籬位嘅青蛙仔先係德國躉，不過，今屆世界盃暫時嚟講，德國真係表現好醒神，加上東歐球隊嘅盛世已過，德國喺今日鬥塞爾維亞，絕對win硬。

　　由於今屆分組賽首輪賽事入球少又戰情悶，所以德國喺首輪以4:0輕取澳洲，自然令人印象深刻。雖然，呢隊德國同我鍾情當年有K科士打及畢圖特等在陣嗰隊，仲差好遠，不過，就勝在有朝氣、有活力。而且德國有名你叫係大賽球隊，喺大賽真係好少令人失望。

　　其實，呢場咁有信心嘅另一原因，係因此東歐球隊嘅盛世已過。自從蘇聯解體引發骨牌效應，東歐各國紛紛搞分裂及獨立，結果直接削弱咗好多國家隊嘅實力。就以塞爾維亞為例，如果佢哋仲係同黑山、波斯尼亞同埋馬其頓等一隊，戰力肯定提升幾皮，但?家咁嘅人腳同質素，對住德國就真係輸少當贏。文：吾中

　　今日貼士
　　主客和：星期五3德國勝
　　信心指數：★★★★★
　　註：5★最高