世界盃截至昨晚，你認為有幾場比賽又或者show令你滿意，恕我膚淺，波友多嚮往場內多波入的比賽；而不是柴娃娃式、冇卡士，「唧都唔笑」的間場節目；世界盃，大家談論的最終是場內的goodshow，等了多天，希望今晚會出現，捧荷蘭大炒丹麥。

　　係時候重點出擊

　　法國、英格蘭和波，阿根廷小勝，未計今晨的德國，熱門捧場客的心情一直如近日天氣灰暗，側聞牽牛話首晚場法國對烏拉圭悶戰，電視評述員都給予所謂4個數碼相機的精采指數；看來大家對期待睇好波的落差大異，這就是早說多數首輪賽事的特色，其實點「煲」都冇用，賭波的更要忍耐。

　　來到荷蘭出場，我都想「煲一煲」，熱身賽表現亮麗，面對熟路但不同班的丹麥，必定放盡狂攻；1.5倍W今天必冇，但話明世盃第1場重點出擊，[-1]有肉食！

　　蘋果波神

　　今日貼士
　　星期一1荷蘭勝[-1]
　　信心指數：★★★★★

　　註：5★最高