意大利今晚就踏上世界盃衛冕之路，佢哋4年前喺意甲假波陰霾籠罩下捧走冠軍，為國家沖喜；今屆意甲雖然冇乜衰嘢發生，國米仲勇奪歐聯冠軍，但普遍人都認為係摩連奴功勞，而非意國足球有進步，係時候又要喺世界盃出嚟證明一吓。

　　而出名老謀深算嘅主帥「銀狐」納比必然滿肚密圈，如果唔係佢點會喺今季大軍名單中，仲有9個球員係上屆功臣，佢照辦煮碗整呢盤意大利粉，相信一定有其辦法。