今晚都有場國際賽開盤，由克羅地亞鬥威爾斯（周日4），雖然呢兩隊波只係今屆世界盃嘅座上客，由聯賽球隊轉到國家隊，熱住身先嘛！

　　唔好以為兩軍冇得打世盃就冇嘢好做，其實佢哋要備戰幾個月後嘅歐國盃外圍賽，所以唔係想像中咁輕鬆。純以實力計算，克羅地亞不只有主場之利，就是「熱刺三劍俠」莫迪歷、哥魯卡及卡蘭積卡在陣，面對一般尋常歐洲球隊，足夠有阻嚇作用。反而，威爾斯今仗有幾名孭飛球星缺陣，隊長比拿美同熱刺嘅加夫利巴利冇隨隊東征，阿仙奴新星艾朗藍斯又受重創，搞到領隊杜錫克要提升幾個U21球員上嚟，實力可能連英冠球隊都不如，預料戰況會一面倒，克羅地亞可望大炒特炒！