世界盃亞洲區外圍賽第三圈最後一輪賽事，已經在Ａ組出局的中國作客澳洲，雖然實力輸蝕，但佢們毫無壓力，為保尊嚴亦唔會完全的流攤，今仗大敗機會微。澳洲已經出線，今仗更會畀二線兵落場，加上「薯仔田」上演，影響雙方發揮，今場揀細盤數。（有線足球台61周日下午４時直播）

　　國足保尊嚴有戰意

　　國足在A組好失禮，僅得三分包尾，肯定出局。而球員亦冇晒心理壓力，所以球隊上下去到「袋鼠國」都好輕鬆，仲去悉尼歌劇院聽歌。雖然表面上懶懶閒，但中國球員平均水平唔算太曳，戰績低落好大原因係壓力過大，依家輕鬆接戰，或者會有較佳發揮都唔定，而且話晒都係最後一場比賽，為保尊嚴，都唔想大敗告終。

　　澳洲方面，因為已經出線，所以決定畀一主力休息，佢們亦已經選入四名十八歲新丁，彼此實力拉近，加上場地剛打過四場欖球賽，已經變「薯仔田」，雙方發揮一定受影響。既然今場冇競爭性，不如買細好過。