二○一○年世界盃外圍賽，亞洲區第三輪賽事接近尾聲的時候，在地球另一端的南美洲，戰線又再次爆發。雖然巴西同阿根廷仲未的榜首，但呢兩隊曾經捧過世界盃的國家隊在下周中對碰前，會先在今晚分頭出擊，講到心水，阿占都係鍾意阿根廷對厄瓜多爾這場，貪佢強弱懸殊，可以捧1.45倍熱透「讓球主勝」！（有線61及64周一清晨5:10直播）

　　阿根廷對上一場熱身賽作客美國，在踢來不為已甚的情況下同對方以○比○和氣收場。呢個賽果，一來可以理解為留力備戰依家呢兩輪正式比賽，亦可以相信，教練對隊波本身狀態已有足夠信心。

　　厄瓜多爾作客唔係皮

　　事實上，之前在主場友賽實力有番咁上下的墨西哥，都可以大勝四比一，就知阿根廷絕對無跌Watt。美斯仔、阿古路、麥斯洛迪古斯、貝迪素等等新舊將全部都有表現，今日又係主場，對手只係世界排名落後一大截的厄瓜多爾，三分絕對係手到拿來。

　　隨住近年資訊發達，愈來愈多人認識到厄瓜多爾一直靠高原氣候主場食胡，一到作客，尤其對強隊就絕對唔係皮。再講，對賽方面阿根廷亦壓倒晒厄瓜多爾，從二○○○年起到依家八年，六次對賽足足贏五次，其中有四次係贏兩球或以上添！咁這情況下，呢注「主勝」仲唔等收錢？