世界盃亞洲區外圍賽A組賽事，中國將於天津奧林匹克體育場迎擊伊拉克。由於中國四戰未嘗一勝，今場一定要主場晒三分先可保住出線機會，雖然中國鬥志好，但本身實力有限，又經常關鍵比賽表現「騰雞」，加上對手伊拉克亦有搶分必要，中國唔係咁易贏到。今場有開讓球盤，中國讓平半高水就知唔慌好，寧捧下盤伊拉克。（有線足球台61周六晚8時直播）

　　現時A組形勢，澳洲及卡塔爾同以七分排頭兩位，至於伊拉克剛戰擊敗強隊澳洲以四分排第三，而中國以三分包尾，頭尾兩隊差距僅四分，故未來兩輪都要搏命。

　　伊軍早抵內地適應

　　講番今場主角之一的伊拉克，其實一直表現未算理想，但上輪突然發難，擊敗同組最強對手澳洲，球員無論士氣及信心都得到大幅度提升，對於佢們今場比賽有一定幫助。

　　為應付今場比賽，伊拉克擊敗澳洲後僅十四個小時，就提前登機去中國適應環境，可見佢們對今場比賽有幾咁重視。中國今場有李瑋峰及孫繼海兩大主力停賽，對發揮會有好大影響，加上攻力不足缺點仍未解決，主場對伊拉克難言穩勝，下盤值博率甚高。