世界盃 亞洲區外圍賽今日激戰連場，綜觀幾支傳統勁旅，伊朗表現最曳，攻力尤其不濟，今晚於主場出戰第五組榜首球隊阿聯酋，伊朗就算對賽往績佔盡優勢，但要贏並不容易，超哥建議吼入球細。（周一晚8時30分開賽）

　　阿軍作客穩守行先

　　伊朗近一年陷入低谷，攻力死晒火，曾經連續六場比賽冇波入，同佢們亞洲一線球隊身份唔相符。雖然伊朗足總委任前國家隊射手戴伊執教之後，表現開始有起色，不過超哥認為重建一支球隊並非一時三刻做得到，伊朗要回復昔日進攻水銀瀉地的霸氣，仲需要一段時間。即使伊朗今場主W熱爆，但並不宜對佢們太樂觀，反而入球細效果佳。

　　事實上，伊朗在小組中仲未開齋，球隊最需要係三分，係唔係大勝並唔重要，尤其係阿聯酋依家位處榜首並唔好惹，相信領隊戴伊唔會採用太進取的戰術，但求贏波就得。

　　至於阿聯酋難得開局順，今場唔一定要全取三分，特別係作客伊朗和波都冇壞，超哥估計阿聯酋會以穩守保不敗為前提，因此今場入波數字勢必偏少。