世界盃亞洲區外圍賽第3組今晚上演一場第3輪賽事,南韓主場迎戰約旦。「太極虎」南韓這呢組超班,相信可穩奪出線權,而佢們另一目標係保送「兄弟班」北韓出線,故面對最大勁敵約旦,肯定唔會留手,主W1.3倍若嫌少話,不妨捧埋1.9倍「讓球主勝」。(周六晚7時開賽)
南韓係世界盃成績最好的亞洲球隊,過去六屆世界盃都打入決賽周,相信大家唔會懷疑佢們的實力。目前南韓兩戰得四分排榜首,而約旦僅贏過實力最弱土庫曼;由於南北韓將於最後一場分組賽碰頭,以兩國目前的關係,如果去到最後一場分組賽兩隊都要爭出線的話,隨時有損和氣,故有理由相信南韓會盡快搶夠分數出線,順便幫北韓出一分力。
呢個推論並非無的放矢,因為南、北韓近年每次交手都相當敏感,經常涉及政治層面,而戰果確實又係和波居多。為免傷害兩地感情,兩隊應會齊心協力,抵抗外敵;睇番今次南韓大軍名單,朴智星、薛琦鉉等外流球星都有歸隊,可見南韓非常重視,約旦爆冷機會甚微。
約旦惡唔出樣
約旦早前同中國約戰結果輸○比二,該仗約旦完全無還擊之力,今仗對南韓,約旦都係用番同一班人,估計都唔會有太大突破;南韓領隊許丁茂吼完路之後都話約旦不足為患。
既然約旦早前對烏茲別克、卡塔爾同北韓等亞洲二線球隊都輸波,今仗對實力更強的南韓,相信都難有作為。